occitan

La cançon de la hialaira

Per Rosina de Peira

Au ton cuenh qu’as un riban blanc,
Blanc coma nèu au sorelh lhevant :
Bèra hialaira, bèra hialaira,
Que hialas deu maitin au ser,
ditz-me perqué.
Vira husèth, vira, vira,
Deu maitin au ser, vira, vira.
Qu’u cau ua pelha end’abilhar
La mainada qui van batiar.

Au ton cuenh qu’as un riban blu,
Blu com la hlor deu lin madur :
Bèra hialaira, bèra hialaira,
Que hialas deu maitin au ser,
Ditz-me perqué.
Vira husèth, vira, vira,
Deu maitin au ser, vira, vira.
Qu’u cau quand se maridarà
Ua camisa nava a’s botar.

Au ton cuenh qu’as un riban roge,
Roge com l’auba quan i a ploja :
Bèra hialaira, bèra hialaira,
Que hialas deu maitin au ser,
Ditz-me perqué.
Vira husèth, vira, vira,
Deu maitin au ser, vira, vira.
Qu’u calerà quand plorarà
Un mochoèr ende s’eishugar.

Au ton cuenh qu’as un riban negre,
Negre enqüer mei qu’un tròç de pega :
Bèra hialaira, bèra hialaira,
Que hialas deu maitin au ser,
Ditz-me perqué.
Vira husèth, vira, vira,
Deu maitin au ser, vira, vira.
Qu’u calerà quand morirà
Un linçòu ende l’enterrar.

5 cançons del meteis grop :

Comentaris

Vos cal connectar per poder postar de comentaris.

Per ray
Lo 03-03-2018 a 18:46:00
Cette chanson parle de quoi en francais,?

Concepcion : Aure Séguier, Grafismes : Géraldine Puel