occitan

Balalin e balalant

Per Jean-Bernard Plantevin

Vaquí venir lo postilhon que brama
Per anonciar que tot vai començar.
E puei vaquí lo postilhon que crana
Sus son chivau que fai que de cagar.
Hò ! mai de que fan lei dos bota-en-trin
Qu’assajan de mesurar lo camin ?
An belèu begut tròp de vin
D’un mètre ne’n fan quatre ò cinc.

R. Balalin e balalant,
Vaquí lo Carri de Mazan.
Es aquí que vèn.
Tot lo camin tèn.
Garcetz-vos lèu dau mitan,
Vaquí lo Carri de Mazan.
Se lo vesètz pas ‘quest an,
Repassarà mai dins vint ans.

Puei lei tambors a grands còps de baguetas
Ran-tan-plan-plan, se cresan lei plus bèus.
Mai an pas tòrt car vaquí lei trompetas
Que bofan mai que l’àngel bofarèu.
Ah ! Coquin de sòrt, lo polit capèu
Dau cavalier que pòrta lo drapèu.
La cantiniera dau mitan
Se maridarà pas ‘quest an !

Que de travalh per lo veterinari
I a belèu mai de cent trenta chivaus.
Vaquí enfin lo grand Senhor dau Carri
Qu’es tot content de veire lei badaus.
Ieu, siáu segur qu’a chausit un grefier
Que, que, que, que, que, que, qu’es un pauc bret
Per remplaçar son vièlh viguier
Qu’es mut com’un tròç d’olivier.

Lei menestriers cantan de colhonadas
Mai li fai ren ‘quò fai ben rigolar
Lei musicians que per la galejada
Fan ba-be-lo, e be bòp a lo-là.
Vaquí lo Senhor, ‘queu dei Cacalaus
Segur qu’aquest an marca pas tròp mau.
E puei lo Senhor dei Tavans
Que son ase a lo quieu tot blanc.

5 cançons del meteis grop :

Comentaris

Vos cal connectar per poder postar de comentaris.

Per ray
Lo 03-03-2018 a 18:46:00
Cette chanson parle de quoi en francais,?

Concepcion : Aure Séguier, Grafismes : Géraldine Puel