occitan

Dins lo bòsc dau Roret

Per Jean-Bernard Plantevin

Siáu anat cercar Marieta
Per la fèsta dau Roret.
Talament qu’èra contenta
Sautava autant qu’un grilhet.

R. Leva, leva, leva la camba.
Leva, leva, leva lo pè (bis).

Siam partits ‘mé la Marieta
Sus lo camin dau Roret.
I ai dich : « Fasem lèu filheta,
Arrivarem lei promiers ».

Quand siam estats ‘mé Marieta
Dedins lo bòsc dau Roret
L’ai agantada a braçeta
Per dansar lo menuguet.

Ai tant fach virar Marieta
Que son cotilhon sovent
Fasiá veire sei braietas,
Tot lo monde èra contents.

Marieta èra risoleta
E ieu n’ère tot colhon.
Tot en fasènt l’escobeta
I ai escrachat leis arpions.

Dempuei me fai la fonheta,
Siáu maluros com’un pet.
Per que siegue risoleta
Li farai un potonet.

Dins vint ans se fan mai fèsta
Dedins lo bòsc dau Roret,
Segur sarem totjorn lèstes
Mai dansarem lo reggae.

5 cançons del meteis grop :

Comentaris

Vos cal connectar per poder postar de comentaris.

Per ray
Lo 03-03-2018 a 18:46:00
Cette chanson parle de quoi en francais,?

Concepcion : Aure Séguier, Grafismes : Géraldine Puel