occitan

Atau vivem

Per Cançon tradicionala, paraulas de Eric Astié

Excusatz-me, e’m podetz indicar la direccion ?
De l’autorota per arribar a destinacion ?
Ajudatz-me preni retard, que soi pressat.
Amic pren-te lo temps un chic de te viéner pausar.
Marcèu ! Solide que i a quauquarren a li balhar.
Relaxa-te ací seràs au ton agrat.

Atau vivem ! Dens un país qui te serà arcuelhent
Luenh deus chepics deu malh e a l’estanguet,
Per hestejar, brindar e se virar la set.
Atau vivem ! Tan que palomas e ceps a nòste i aurà
Que la vinha lo son vin nos balharà,
Bandà, ripataulèra, per tot bailejar.

Mei que sorelh, esquí, discò, bronzacuu, sable e plaja
Nòste país tribalha viu canta parla e arraja
D’un parlar hòrt e doç lenga deus trobadors.
Au sud deu Nòrd ne vòlen pas díser coma s’apèra
Au nòrd deu Sud saben mei plan lo nom d’aquesta tèrra :
Occitania, Occitania mas amors !

Atau vivem !...

Aquesta canta n’es pas l’Estaca ni l’Immortèla
Es una jòia qu’avem de har petar la cantèra,
Un crit de plaser, de bonaür e d’amistat.
A cada còp que voleràs exprimir tas pensadas
Que sian gaujosas, tristonetas, gaimantas o pebradas
Cluca los uelhs, bremba de çò qu’am cantat.

Atau vivem !...

5 cançons del meteis grop :

Comentaris

Vos cal connectar per poder postar de comentaris.

Concepcion : Aure Séguier, Grafismes : Géraldine Puel