occitan

Plantarem de pasteca

Per Du Bartàs

D'ausir dins :

Es contra ta pèl

Quand n'aurem nòstre cofle,
Quand tòrna lo dissabte,
D'anar totjorn cap al supermercat,
Quand n'aurèm nòstre cofle
D'anar crompar de mèrdas
E boita, en saquet liofilisat.
Traparem lo camin de l'òrta de solelh.
Ven aquí albe ieu, n'ai un plan escondut.
Se coparem l'esquina darrièr lo rabassièr.
Fa pas res ! Sèm valents ! E anem ! Fai tirar !

Plantarem de pasteca, plantarem de melon,
Manjarem de pasteca, manjarem de melon,
Plantarem de pasteca, plantarem de melon,
Traparem la caganha, n'aurem nòstre sadol.

Ven aquí ambe ieu, dins l'òrta de solelh
Que i a los baraquets qu'espèran pas,
Lo pebron, lo jalbert e la poma d'amor.
Pòt rajar lo solelh, flaquirem pas.
Un pichon reng de vinha de bon rasim sucrat
Comol de la promessa d'un bon vin natural,
L'aurem lèu acabat, d'aquò ne sèm segur.
Fa pas res ! Sèm valents ! E anem ! Fai tirar !

Plantarem...

Ven aquí ambe ieu, dins l'òrta de solelh,
Es aquí a costat, darrièr l'ostal
Aquí manca pas res, aquí tot çò que cal :
Un parelh de galinas, per un gal.
Mèfi ! i a lo rainal, aquel es un finòt.
Ven pas aquí cercar lo repais ordinari,
Te ven totjorn chapar lo repais del dimenge.
Fa pas res ! Sèm valents ! E anem ! Fai tirar !

Plantarem...

L'agro-industrial, que n'es a se coflar,
A un moment donat espetarà,
Alara lo trabalh serà de partejar
E tot aquò serà pas de bon far.
A un moment caldrà tornar localisar.
A un moment calrà tornar organisar.
E se un còp de mai i arribam totjorn pas,
Fa pas res ! Sèm valents ! E anem ! Fai tirar !

Plantarem...

5 cançons del meteis grop :

Comentaris

Vos cal connectar per poder postar de comentaris.

Per ray
Lo 03-03-2018 a 18:46:00
Cette chanson parle de quoi en francais,?

Concepcion : Aure Séguier, Grafismes : Géraldine Puel