occitan

Bèth Cèu de Pau

Per Cançon tradicionala

Bèth Cèu de Pau, quan te tornerèi véder ?
Qu’èi tant sofert despuish qui t’èi quitat.
Si’m cau morir shens te tornar revéder,
Adiu, bèth cèu, t’aurèi plan regretat !
Qu’aurí volut, Biarn, cantar ta gloèra ;
Mès ne poish pas car que soi tròp malaut. (bis)
Mon Diu, mon Diu ! Deishatz-me véder enqüera
Lo cèu de Pau ! lo cèu de Pau !

Ièr qu’èri sol dens ma trista crampeta,
A respirar lo perfum deu printemps,
Quan tot d’un còp, ua prauba irongleta
Possa un gran crit e puish en medish temps,
Un esparvèr cor sus la beroïna
"Ça’i, ça’i t’aci, jo ne’t harèi pas mau, (bis)
Rentra dehens, que parleram praubina,
Deu cèu de Pau ! deu cèu de Pau !

Qu’as tu pensat, la mia prauba amiga,
De viatjar sola shens nat secors !
Repausa un drin : de córrer que’t fatiga,
Ací n’as pas a crànher los vautorns.
Tà que tremblar, òh ! n’ès pas presonèra !
Que pòts partir si n’as pas çò qui’t cau ! (bis)
Repren ton vòl, vè voltijar leugèra
Au cèu de Pau ! au cèu de Pau !

Puishque te’n vas, beròia messatgèra,
Adiu ! Adiu ! Senti que vau morir,
Car lo Bon Diu dens son sejorn m’apèra :
Doman, dilhèu, non serèi mei ací !
Puishque te’n vas, vè te’n dens la montanha
Vè har lo nid devath noste portau ! (bis)
Qu’auràs de tot, tà tu e ta companha,
Au cèu de Pau ! au cèu de Pau !

5 cançons del meteis grop :

Comentaris

Vos cal connectar per poder postar de comentaris.

Concepcion : Aure Séguier, Grafismes : Géraldine Puel