Alara que lo Festen'Oc de Saurat ven de s'acabar e que la Festa d'Òc de Besièrs fa sa dubertura (ne veire lo programa), las festivitats fan pas que començar. D'efièit, nombroses festenals son previstes dins l'estiu. De'n primièr "Convivéncia", lo festenal itinerant sul canal del miègjorn, prepausarà 2 concèrts occitans los 15 e 22 de julh e un concèrt catalan lo 18 (ne saupre mai). L'Estivada de Rodés, lo festenal grand de la cultura occitana, vos esperarà del dimars 27 al dissabte 31 de julh per mantun concèrt e balèti mas tanben de conferencias, de literatura, de teatre, de cinema... (veire la programacion d'Estivada).
En agost, lo vilatge occitan de la feria de Besièrs prepausarà tanben del dimecres 11 al dimenge 15 un fum de concèrts (ne descargar lo programa) e lo Hestiv'Oc de Pau vos farà bolegar del 19 al 22 d'agost (lo site del festenal). Amb tot aquò, nos farem pas cagar !
Coma cada annada, lo grop lengadocian OC a montat un espectacle son e lum que virarà tot l'estiu per Occitania. Ongan, s'agís d'un conte filosofic que se vòl l'illustracion de l'anar de l'òme que part en cèrca d'el meteis. Las sonoritats son lo rescontre de l'Orient amb l'Occident e los tèxtes sacrats qu'an modeladas las culturas d'aqueles dos mondes se mesclan.
Aquela fresca sus l'umanitat se poirà veire dins mantun canton d'Occitania, mas la primièra se farà sus la plaça de la Magdalena de Besièrs lo divendres 14 de mai.
Ne podètz saupre mai sus www.ocmusic.org.
Que siá jogat a l'acordeon, a la flaüta, a la guitarra, a la trompeta, que siá cantat per d'artistas coma Martí, Coriandre, Plantevin, los Goulamas'k, a mai Dorothée (e òc !), que se debane a l'estadi, al Hestiv'òc o als juòcs olimpics, que siá de son o de video, es totjorn la meteissa cançon. L'imne occitan, lo nòstre Se Canta. Un trabalh fòrça interessant e un bon moment de passar per nosautres internautes !
Anetz lèu veire aquò sus loshardidets.free.fr/100_se_canto_5073.htm.
Aquel grop nascut de la collaboracion entre Maud (orquèstre armonic de Narbona, los de Rocairòl) e Matèu (ZO !, Evenrise) assaja de minorejar òbras tradicionalas. An totes dos banhats dins las musicas tradicionalas mas tanben dins lo rock, le motal e lo jazz. Mesclan passat e futur per un balèti "trad-experimental".
Podètz jà escotar sus lor myspace una mazurka de lor compausicion ont se mesclan dolçor, poesia e melancolia. Los podrètz descubrir sus l'empont pel primièr còp lo dissabte 30 de genièr a l'escasença de la dictada occitana de Narbona.
Desiram una longa vida a Délit Mineur.
Podètz aver mai d'entresenhas sul grop Délit mineur sus www.myspace.com/delitmineur34.
Encara un CD ont las votz tresmolantas d'aquelas sièis femnas nos fa descubrir lo patrimòni populari cantat occitan. Una energia electrica, un buf popular e femenista, de polifonias subrebèlas... La recèpta per una capitada de descubrir lèu lèu !
Podètz descargar lo bon de comanda sul myspace del grop : http://www.myspace.com/lamalcoiffee
Una musica gascona ibrida, com lo milhòc. Una mesclanha biarnò-jazzò-rockò-fòlc inclassabla. Subèr Albèrt ne’s conta pas, que s’escota ! Ua pèça de colleccion riala que foguèt tornada editar per Joan Francès Tisnèr, qu'es un de sos primièrs grops.
Las paraulas d'aquel grop son jà sus Paraulas en Òc : www.paraulas.net/detalh_artiste.php?num=288
Podètz aver mai d'entresenhas, veire los clips o crompar lo disc sus joanfrancestisner.com
La detzena edicion del festenal a per tèma "L'Entre Duas Mars". Mai de 1000 artistas vos prepausaràn musica, poesia, cinema, contes, teatre, dança, arts plastics, conferéncias, repaisses, exposicions, balètis, cabarets, sense doblidar lo Grand Mercat d'Occitania e lo Passa-Carrièra amb los animals totemics.
Aquel festenal vos farà viatjar pels paises mediterranèus a mai en Africa, Escòssa, orient. Mai d'un mes de plasers.
Per ne saupre mai : fest.occitania2009.free.fr
Lo juòc de Paraulas en Òc es inspirat d'un juòc musical que fasiá la Mela sus son blòg (melanizetofre.blogspot.com). Ausiretz cada còp 10 pichons tròces de cançons e vos caldrà ne trapar lo títol e l'artista o lo grop que lo canta.
Jogar
Podètz agachar lo clip en mai granda talha sus www.dailymotion.com/video/x9ze2u_anam-manjar_music
Brassens dins la lenga de l'estanh de Tau. Enfin lo tresen volum !
Títols :
|
- Cançon per l’auvernhat - Lo vièlh normand - Lo vin – Marineta – Bécassine (instrumental) - Las amors del temps vièlh - La rosta |
- Soi vengut pichon - Vint e dos de setembre - Don Juan - La trèva - Cançoneta a la que demòra piusèla - Lo moton de Panurgi - A l’ombre du coeur de ma mie (instrumental) |
Pendent totas aquelas annadas, lo trabalh vertadièr del Seriol foguèt pas de trabalh en estudiòmas tanben e mai que mai lo contacte amb lo public, lo ligam amb lo territòri, amb los fans d'aquí e d'ailà, amb lo mond occitan mas pas solament, un ligam viu que se torna trapar dins aquel projècte.
La dansa, la fèsta, l'alquimia entre la musica tradicionala, lo reggae, lo punk e lo ska-core, vaquì l'esséncia d'aquel live d'escotar e subretot de viure... Ambè vos.
Mai d'entresenhas sul CD live e son DVD sus www.louseriol.it.
|
- Adishatz - Dis mamie - Quan eri joegn pastor - Lo verd pais - Au mielh deu bosc - Amor d'Aussau |
- Hilhotes de dera l'aiga - La complanha deu pastor - La beroje e lo tonhut - L'arcolet - La heste au Chapelot - Lo camin |
- L'estaca - La heste au vilatje - Batisto - Saussat - Lo men gat - L'oiseau blanc |
Tres cançons popularas "revisitadas", tres tèxtes occitans mes en musica, quatra cançons ineditas e 9 istòrias que contan Rollin Brocard e Ulysse, Mile Garcin e René Char, un arbre, la terra e las estelas. Aquel disc vos farà viatjar de Provença a Cubà, en passant per Roma o las valadas occitanas, e vos farà descubrir poetas de totes temps coma Mistral, Louis de La Bellaudière o Joan Ives Roier. D'escotar lèu lèu !
Mai d'entresenhas sus www.soleus-pacans.com.
Aquel festenal itinerant prepausarà concèrts e animacion dins mai de 25 sites patrimonials de Lengadòc per vos far descubrir trobadors del mond tot que jogaràn cançons de totas epòcas. De visitas guidadas, de charadissas, d'exposicions e de passejadas son tanben previstas.
Podètz veire lo programa complet sus www.festival-troubadoursartroman.fr
Cantem Òc ! es un repertòri de 10 cançons de tota l'Occitània. La tòca es de trabalhar aquelas 10 cançons amb d'arrengaments plasents per las cantar totas lo 24 d'octobre 2009 a Carcassona. Tot lo monde que li agrada de cantar pòt participar a aquel projècte: coralas o grops, corses o talhièr d'occitan, escòlas bilinguas o immersivas, associacions...
Traparetz mai d'entresenhas sus www.laportadoc.eu.
Un forum foguèt ajustat al vòstre portal de la musica occitana. I podrètz escambiar a prepaus de manifestacions, presentar los vòstres CD o de cançons que vos an agradat, o parlar d'occitan d'un biais mai general.
Una aisina utila : una plataforma d'escambis pels professionals ont podrètz prepausar vòstres servicis, demandar de grops o de benevòls per d'eveniments qu'organisatz en mantuna autra causa.
Los tèxtes, modèrnes a de bon, arramban d’unes subjèctes contemporanèus e universals, inspirats notadament per la rica istòria occitana, demest la desirança de viure d’a fons çò que sèm e las rotas liuras que se descobrisson a cada pas.
Per ne saupre mai : www.joanda.fr/lalbum.