L'occitan es ensenhat dins l'acadèmia de Montpelhièr dins de classas bilingüas de l'ensenhament public (700 enfants concernits), dins de classas mairalas o primàrias en ensenhament d'iniciacion o de lenga viva (mai de 10 000 escolans).

Un projècte pedagogic academic annadièr balha als mèstres e als escolans d'aisinas de trabalh per çò far. Un album e una BD per enfant, un CD audio e de fichas pels mèstres son prepausats pels conselhièrs pedagogics, amb l'acompanhament adequat al long de l'annada.

Los mèstres benefician tanben d'animacions pedagogicas, d'estagis de formacion e d'ajuda per montar de grops de recèrca.
D'autras ajudas a l'ensenhament son tanben editats dins l'encastre del CRDP per la còla pedagogica del Pòl occitan (compausada de conselhièrs pedagogics 1er gra e de professors del segond gra): albums de joinessa, manuals didactics, recuèlhs de cants e comptinas, literatura.


FLASH INFO



L’Eriç e l’espaurugalL’Eriç e l’espaurugal
Lo projèct pedagogic 2012/2013
Aqueste projècte concernís las classas mairalas e elementàrias de nòstra acadèmia e pot èsser adaptat en foncion del nivèl de lenga dels escolans e dels mèstres.Per l'annada 2012-2013, la tematica es "los òrts e los ecosistèmas".
Ne saber mai

Los espaurugalsLos espaurugals
Capendut - junh de 2013
Los escolans realizèron d'espaurugals segon lor imaginacion. Los podètz admirar en clicant aquí.